حل الفنان بيومي فؤاد ضيفًا على برنامج "حبر سري" تقديم أسما إبراهيم ويعرض على قناة "القاهرة والناس".

وتحدث بيومي فؤاد عن أزمته مع الفنان محمد سلام، ودافع عن الفنان محمد أنور الذي جاء بديلًا لـ "سلام"، وكشف عن العديد من التفاصيل لأول مرة في فقرة بعنوان "قد الكلام".

وأجهش الفنان بيومي فؤاد فور رؤيته صورة الفنان محمد سلام بأحد فقرات البرنامج ولم يتمالك دموعه وعلق عليها: "ربنا معاك".

واستكمل: "لو نقينا سؤال هنقول ازاي؟، ازاي ماتطلعش تدافع عننا، ازاي ماتطلعش تدافع عن محمد أنور وهو ترشيحك وحقك عند ربنا أنا صدقتك جدًا وانت قولت في الفيديو بتاعك لا نفاق ولا رياء وانا وجهة نظري العبيطة عشان أنا راجل طيب ماكنتش هتخسر حاجة لو طلعت قولت أنا مقدرتش ومش معنى أنور قدر وراح يحصل معاه كده يا جماعة خصوصًا أنك طلعت تدافع عن أمير كرارة لما طلعت إشاعة بتقول أن أمير مشاك من المسلسل بتاعه وانت ماكنتش معاه في المسلسل طلعت دافعت، طلعت دافعت عن أحمد الجنايني لما طلعت إشاعة واتشم بأهله طلعت دافعت ليه مطلعتش تدافع عن أنور مش عني".

مضيفًا: "ده اللي كنت مستنيه منك والرزق على الله هي موتة ولا أكتر، العمر واحد والرب واحد يا أستاذ سلام لكل اللي شتموا وكل اللي فاهمني غلط، وأنا غلط بس راجل وأطلع في كل برنامج أقول كده ومعاكم للاخر".

وكشف بيومي فؤاد أنه فكر في الاعتذار عن المشاركة في مسلسل "الكبير أوي 8" كيلا يلتقي بسلام، مؤكدًا أن المسلسل تمت إعادة كتابته لمنع الثنائي من الالتقاء في أي مشهد، ومفجرًا مفاجأة حول مساعي أحمد مكي للصلح بينه وبين سلام، مختتمًا "أنا رفضت وقولت حقي عن ربنا، الحكاية مينفعش تخلص كده".