استعاد المفكر السياسي الدكتور مصطفى الفقي، تفاصيل اللقاء الذي جمع جمال مبارك، ومحمد البرادعي، قبل عدة سنوات، وتحديدًا في الفترة التي سبقت ثورة يناير 2011.

وقال "الفقي" خلال لقائه مع الإعلامية أمل الحناوي، عبر بودكاست "حكاوي مع أمل الحناوي": "جمال مبارك طلبني وقال أنا عرفت إن محمد البرادعي هنا.. وعايزين نفطر مع بعض الصبح ووجه له دعوة".

تابع: "روحنا نفطر معاه والبرادعي فتح على الرابع.. "أبوك مدته طولت، النظام ميصحش يبقى كده، الحريات مش مكفولة، الأوضاع الاقتصادية سيئة للغاية، طبخات معينة هي اللي بتستأثر بكل العائد للدولة".

فيما أوضح رد فعل جمال مبارك قائلا: "جمال كان واسع الصدر رحبا تماما ومستمعا جيدا حتى النهاية".

اختتم: "بعد ما خلصنا قولت ايه اللي عملته ده يا برادعي.. قالي مراتي قالت قبل ما أخرج خد حريتك محدش بيدفع لك مرتبك.. انت بتاخده من جهة دولية".

من ناحية أخرى، علق على ما تم تداوله بشأن توريث مبارك الحكم لنجله، قائلا: " أنا كنت قريب من الرئيس وحرمه وابنه.. لم أسمع كلمة توريث من واحد منهم، إنما المشهد قدامك كله توريث! وبتشوفيه بيطلع جولات في المحافظات معاه 6 أو 7 وزراء".

فيما تذكر حديث مع مبارك، بشأن نفس الموضوع، حيث قال: " قالي ايه حكاية التوريث؟.. فعملت جاهل. قالي التوريث إن جمال يجي مكاني.. قولت له دي شائعات. فقالي اللي مطلعها الجهاز الإعلامي للإخوان المسلمين.. أنا أجيب ابني يبقى رئيس! ده يقتلوه زي السادات!، الحكم صعب.. ما يعيش ويسافر برة زي أي شاب، لكن سايبه يعمل حزب ويلف في المحافظات عشان ميسافرش ويسيبني.. أنا 70 سنة".