قالت الفنانة وفاء عامر، أن تصريحها المثير للجدل حول خيانة الزوج للزوجة بأن الزوجة السبب فيه، لا زالت مقتنعة به الآن.

تابعت وفاء عامر: "لسه لحد دلوقتي عند كلامي في التصريح ده، الست السبب في حاجات كتير، أنا اللي اخترت الراجل فعليا أحافظ عليه فلو اختياري كان غلط يبقى أنا اللي اخترت غلط والسبب مني".

أضافت: "لازم يبقى بيني وبين الزوج والزوجة مبدأ الأخد والعطا اللي ميخليش زوجي يخوني، مبقاش كاتمة على نفسه ومش عارف يقابل أصحابه ومهملة في شؤون بيتي".

واصلت: "كل واحد عليه حاجات منبقاش مضايقين بعض.. كوني صاحبة لزوجك علشان يكون صديق وفي، وكوني له أم يكون ليكي أب.. ارجو محدش يزعل مني ولو واحدة زعلانة من زوجها أنا موجودة أصالحهم على بعض".

أردفت: "تعالو نعمر، نسب الطلاق زادت أوي، وبعدين الطفل اللي بيتحمل ده وبيطلع طفل معقد.. لو أنا السبب عليا أتحمل وأربي ابني أو بنتي عشان اختياري غلط".