عربات الفول من أهم مظاهر بداية اليوم فى مصر، لها جمهورها الخاص من الأكيلة ومحبى الفول بالزيت الحار، طقس مصرى أصيل لا تراه إلا فى شوارع المحروسة، تدفع قليل من المال لتستمتع بكثير من الاختيارات والاختراعات المصرية، الفول بالزيت الحار، وفول بالبيض، مع البصل الأخضر وأبدأ يومك وأنت فى قمة السعادة، و"الحكاية" تقدم لكم 30 معلومة لازم تعرفها عن عربية الفول

1- الفول عالعربية بيتاكل بالزيت الحار .. الزيت الحلو ده تأكله في أرابياتا أو في بيتكم.

2- المعلقة اللي طلبتها دي تأكل بيها زبادي جهينة لايت ! الأكل ده بيتاكل تغميس بالعيش ودن قطة.

3- العيش ممكن ينزلك مبلول شوية دي مية سلطة عادي.

4- ماتطلبش تغير العيش عشان مبلول و لازم تعرف أن ده الأكثر جاهزية للاستعمال في الوقت الراهن.

5- البيض هنا شئ جميل.

6- ماتحرمش نفسك طالما جيت ممكن تأكل السلطة لو هاتموت هاتموت من البيض و الفول عادي.

7- الأطباق بتتغسل على فكرة.

8- ملكش أي دعوة الأطباق بتتغسل فين وإزاي التفاصيل الصغيرة دي كفيلة بإفساد أي علاقة.

9- بلاش تسأل إيه الغامق اللي في الإزازة اللي هناك ده

10- مفيش حاجة على عربية الفول اسمها فرايز !

11- قول بطاطس – عاوز تبقى شبح قول صوابع لو شيبسي قول شيبس.

12- حتى لو إنتي بنت ده لا يعطيكي الحق إنك تقولي فرايز دي خالص.

13- أي حاجة حط عليها شطة , شطة كتير.

14- قال فرايز قال !

15- ماتستبعدش إن ده يكون جرنال النهاردة سلي نفسك.

16- البتنجان بيخلص الساعة عشرة الصبح لو بتحبه انزل بدري.

17- جو إنك تفضل في العربية وتنزل الإزاز و تطلب جوه العربية ده مش سليم التجربة تكتمل عالعربية نفسها " الكنز في الرحلة ".

18- احترم أي بنت بتأكل من عربية الفول.

19- انت فاكر سفن أب هتزود فرصتك في النجاه ؟ أبدًا و لا هتعمل حاجة.

21- البصل حلو منه بصل و منه مطهر.

20- كل المنتجات تستحق التجربة لو فيه جبنة و طعمية توكل على الله و الجرجير حكاية.

21- من حقك تحبس بعد الاكلة دي لو مستأذن من الشغل خليك واضح. قولهم هافطر واحبس وأجي.

22- الزحمة اللي عالعربية دي وهمية زي زحمة صلاح سالم اتجاه السيدة عائشة دقيقتين و بيفك.

23- لو خفت ماتكلش .. لو كلت ماتخفش.

24- ماتتفرجش على أي بنت و هي بتاكل من عربية الفول .. بس بينك و بين نفسك احترمها.. البنت دوغري و مابتمثلش و صديقة رائعة.

25- حباية الانتينال ( المطهر ) مش مجدعة " التجربة بحلوها و مرها ".

26- " لا يكلف الله نفسا الا وسعها لها ما كسبت و عليها ماكتسبت ".

27- بعد الاكله دي حاول متاكلش حاجه تانيه .

28_ افتكر ان اهم حاجه ف الاكله تجربه الاكله نفسها.

29- وَاعْلَمْ أَنَّ الأمة لَوْ اجْتَمَعَتْ عَلَى أَنْ يَنْفَعُوكَ بِشَيْءٍ لَمْ يَنْفَعُوكَ إِلاَّ بِشَيْءٍ قَدْ كَتَبَهُ اللَّهُ لَكَ وَلَوْ اجْتَمَعُوا عَلَى أَنْ يَضُرُّوكَ بِشَيْءٍ لَمْ يَضُرُّوكَ إِلاَّ بِشَيْءٍ قَدْ كَتَبَهُ اللَّهُ عَلَيْكَ.

30- البوست مسروق بس عجبني