كلنا ما بنحبش البرد، حتى محبي الشتا اللي بيدافعوا عنه باستماتة، لازم تلاقيهم لابسين تقيل في البرد عشان هم – كبشر – بيبردوا وعايزين يتدفوا!

وهنا بتظهر مشكلة عويصة، طيب ماذا لو الناس – سواء محبي الشتا أو غيرهم – حبوا يمارسوا العلاقة الحميمة في البرد القارس ده؟ يعملوا إيه عشان يقدروا يمارسوا جنس رائع في الشتاء؟

إليكم بعض النصائح المُهمة للحصول على علاقة حميمة أكثر مُتعة في الشتاء والبرد:

1. ماله الشراب؟

أنا عارفة كره معظم الناس إنها تفضل لابسة الشراب في السرير، خاصةً في وقت ممارسة العلاقة الحميمة.

وعارفة برضه سمعة العلاقة اللي بالفانلة والشراب بتبقى إن الجنس ده ممل وكئيب.

بس يعني مش لازم نتجمد عشان نتبسط أصلًا من غير دفا، ممكن جدًا ما تعرفوش تتبسطوا.

2. دفي السرير:

بس من غير ما حد يطلع يجري ويسيب التاني في الدفا لوحده!

مهمة تدفية السرير ممكن توفر عليكم الشرابات، وتوفر معاها دفا وراحة في خلع الملابس قبل العلاقة الحميمة بحيث تشجعكم تنطلقوا ومع الممارسة نفسها، هتلاقوا جسمكم دفي.

تدفية السرير ممكن تحصل بإنك تستخدمي دفاية السرير (البطانية الخفيفة المتوفرة في المحلات) أو بوضع قربة ميا سخنة على السرير.

مفيش مانع برضه من إنكم تكونوا تحت البطانية بالكامل لو انتم سقعانين.

3. شوربة ما قبل الجنس:

غريبة دي شوية! بس تخيلي معايا كده لو لسه شاربة شوربة عدس ودخلتي السرير، مش هتحسي بالساقعة لو قررتوا تمارسوا العلاقة الزوجية.

انتم جسمكم اتدفى فعلًا، وفي نفس الوقت بطنكم مش مليانة لدرجة إنكم تتعبوا من الحركة.

لو مش حابة الشوربة، ممكن تاكلوا شوكولاتة.

4. شمع:

طبعًا الشمع بيعمل جو رومانسي أصلًا!

فتخيلي بقى جو رومانسي ودفا مع بعض.

لو قفلتي الأوضة كويس وولعتي شمع (ولو ليكي في البخور تبقى إضافة عظيمة)، هتلاقي إن الجو دافي ومساعدكم تنطلقوا من غير داعي لأي هدوم.

5. اختاروا أوضاع حميمة صح:

بلاش الأوضاع اللي بتتطلب إنكم انتم الاتنين تكونوا بعاد عن بعض أن تكونوا انتم الاتنين فوق مستوى البحر ممكن تجربوا وضع زي المعلقة أو spooning وده بيكون إنكم انتم الاتنين نايمين على السرير على جنبكم وهو في ضهرك فمحقق لك الدفا وانتي رجلك فوقه فمحققة له الدفا.

ممكن كمان تجربوا وضع اللوتس: هو قاعد مربع، وانتي قاعدة فوقه ومربعة رجلك حواليه. بالشكل ده، هتكونوا حاضنين بعض طول الوقت فالدفا موجود وكمان فيه قرب وحميمية جميلة.